ಹೊಸಪೇಟೆ: ಶ್ರೀ ಸಾಯಿಬಾಬಾ ಗುಡಿಯಿಂದ ಕನಕದಾಸ ವೃತ್ತದ ವರೆಗಿನ ರಸ್ತೆಗೆ ಪ್ರಥಮ ಶಾಸಕ ಡಾ.ನಾಗನಗೌಡ ಹೆಸರು ನಾಮಕರಣಕ್ಕೆ ಮನವಿ.
ಕಿಷ್ಕಿಂಧವಾಣಿ ಸುದ್ದಿ
ಹೊಸಪೇಟೆ:ನಗರದ ಸಾಯಿಬಾಬಾಮಂದಿರದಿಂದ ಕನಕದಾಸರ ವೃತ್ತದ ವರೆಗಿನ ಬೈಪಾಸ್ ರಸ್ತೆಗೆ ಪ್ರಥಮ ಶಾಸಕ ಡಾ.ಆರ್.ನಾಗನಗೌಡ ಇವರ ಹೆಸರನ್ನು ನಾಮಕರಣ ಮಾಡುವಂತೆ ಅಖಿಲ ಕರ್ನಾಟಕ ಕುರುಬರ ಮಹಾಸಭಾ ವತಿಯಿಂದ
ಹೊಸಪೇಟೆ ನಗರದ ನಗರಸಭಾ ಅಧ್ಯಕ್ಷ ರೂಪೇಶ್ ಕುಮಾರ್ ಇವರಿಗೆ ಸಂಘಟನೆ ರಾಜ್ಯಾಧ್ಯಕ್ಷ ಮಲ್ಲಿಕಾರ್ಜುನ ಇವರ ನೇತೃತ್ವದಲ್ಲಿ ಮನವಿಪತ್ರ ಸಲ್ಲಿಸಲಾಯಿತು.
ಹೊಸಪೇಟೆಯ ಪ್ರಥಮ ಶಾಸಕ ಹಾಗೂ
ಭಾರತದ ಗವರ್ನರ್ ಜನರಲ್ ಮತ್ತು ಮದ್ರಾಸ್ ಪ್ರಾಂತ್ಯದ ಮಾಜಿ ಮುಖ್ಯಮಂತ್ರಿ ಸಿ ರಾಜಗೋಪಾಲಾಚಾರಿ ಇವರ ಮಂತ್ರಿಮಂಡಲದಲ್ಲಿ ಕಾರ್ಯ ನಿರ್ವಹಿಸಿದ್ದಾರೆ.
ಡಾ. ಆರ್ ನಾಗನಗೌಡ ಇವರು ಕೃಷಿ ಕ್ಷೇತ್ರದಲ್ಲಿ ಎಂಎಸ್ಸಿ ಮತ್ತು ಪಿ ಎಚ್ ಡಿ ಪದವಿಯನ್ನು ಅಮೆರಿಕ ಯುನಿವರ್ಸಿಟಿಯಲ್ಲಿ ಪಡೆದು ಮದ್ರಾಸ್ ಪ್ರಾಂತ್ಯ ಹಾಗೂ ಮೈಸೂರ್ ರಾಜ್ಯದ ಕೃಷಿ ಸಚಿವರಾಗಿದ್ದರು. ಮೈಸೂರು ಪ್ರಾಂತ್ಯದ ಸರ್ಕಾರದಲ್ಲಿ ಅವರು ರಾಜ್ಯದ ಮೊದಲ ಹಿಂದುಳಿದ ವರ್ಗಗಳ ಆಯೋಗದ ಅಧ್ಯಕ್ಷರಾಗಿದ್ದರು.
1952, 1957 ಹಾಗೂ 1967ರಲ್ಲಿ ಹೊಸಪೇಟೆ ಕ್ಷೇತ್ರದಿಂದ ವಿಧಾನಸಭೆಗೆ ಆಯ್ಕೆಯಾಗಿ ಜನಸೇವೆ ಸಲ್ಲಿಸಿದ್ದಾರೆ.
ಮೈಸೂರು ರಾಜ್ಯ ಸರ್ಕಾರದಲ್ಲಿ ಕೃಷಿ, ಅರಣ್ಯ ಹಾಗೂ ಪಶುಸಂಗೋಪನೆಗೆ ಸಂಬಂಧಿಸಿದ ಸಚಿವರಾಗಿ ಸೇವೆ ಸಲ್ಲಿಸಿದ್ದು, ಕೃಷಿ ಕ್ಷೇತ್ರದ ಅಭಿವೃದ್ಧಿ ಮತ್ತು ರೈತರ ಹಿತಾಸಕ್ತಿಗಾಗಿ ಮಹತ್ವದ ಕೆಲಸಗಳನ್ನು ನಿರ್ವಹಿಸಿದ್ದಾರೆ. ಸಾಮಾಜಿಕವಾಗಿ ಮತ್ತು ಶೈಕ್ಷಣಿಕವಾಗಿ ಹಿಂದುಳಿದ ವರ್ಗಗಳನ್ನು ಗುರುತಿಸುವ ಸಲುವಾಗಿ ಮಾನದಂಡಗಳನ್ನು ರೂಪಿಸುವ ಉದ್ದೇಶದಿಂದ ಮೈಸೂರು ಸರ್ಕಾರ 1960ರಲ್ಲಿ ಡಾ. ಆರ್. ನಾಗನಗೌಡ ನೇತೃತ್ವದಲ್ಲಿ ಹಿಂದುಳಿದ ವರ್ಗಗಳ ಸಮಿತಿಯನ್ನು ರಚಿಸಿತ್ತು. ಇದು ಕರ್ನಾಟಕದ ಹಿಂದುಳಿದ ವರ್ಗಗಳ ನೀತಿಯ ಇತಿಹಾಸದಲ್ಲಿ ಪ್ರಮುಖ ಸ್ಥಾನ ಪಡೆದಿದೆ.
ಈ ಸಮಿತಿಯ ಉದ್ದೇಶಗಳ ಕುರಿತು ಸುಪ್ರೀಂ ಕೋರ್ಟ್‌ನ ತೀರ್ಪಿನಲ್ಲಿಯೂ ಸ್ಪಷ್ಟ ಉಲ್ಲೇಖವಿದೆ.
ಸ್ಥಳೀಯ ರೈತರಿಗೆ ಅನುಕೂಲವಾಗುವಂತೆ ಚಿತ್ತವಾಡಿಗಿ ಪ್ರದೇಶದಲ್ಲಿ ಸಕ್ಕರೆ ಕಾರ್ಖಾನೆ ಸ್ಥಾಪನೆಗೆ ಅವರು ನೀಡಿದ ಕೊಡುಗೆ ಈ ಭಾಗದ ಕೃಷಿ ಹಾಗೂ ರೈತ ಸಮುದಾಯದ ಇತಿಹಾಸದಲ್ಲಿ ಸ್ಮರಣೀಯವಾಗಿದೆ.
ಹೊಸಪೇಟೆ ನಗರದ ಅಭಿವೃದ್ಧಿಯೊಂದಿಗೆ ಅವರ ಸೇವೆಯನ್ನು ಅಮೋಘವಾಗಿದೆ.
ಶ್ರೀ ಸಾಯಿಬಾಬಾ ಗುಡಿಯಿಂದ ಅನಂತಶಯನಗುಡಿಯವರೆಗೆ, ಕನಕದಾಸ ವೃತ್ತದ ಮಾರ್ಗವಾಗಿ ಸಾಗುವ ಈಗಿನ ಬೈಪಾಸ್ ರಸ್ತೆ ನಿರ್ಮಾಣಕ್ಕೆ ಡಾ.ನಾಗನಗೌಡ ಕಾರಣರಾಗಿದ್ದು ಈ ರಸ್ತೆಗೆ “ಡಾ. ಆರ್. ನಾಗನಗೌಡ ರಸ್ತೆ”
ಎಂದು ನಾಮಕರಣ ಮಾಡಲು ಕೋರಲಾಯಿತು.
ಈ ಸಂದರ್ಭದಲ್ಲಿ ನಿವೃತ್ತ ಏ ಎಸ್ ಐ ನಾಗಪ್ಪ, ವೆಂಕಟೇಶ್ ಅಯ್ಯಾಳಿ, ನಾಗರಾಜ್, ಕೆ.ದೇವರಾಜ್,ರಮೇಶ, ಈರಣ್ಣ, ವಿರುಪಾಕ್ಷಿ, ಹೊಸಪೇಟೆ ತಾಲೂಕಿನ ಕುರುಬ ಮಹಾಸಭಾ ಅಧ್ಯಕ್ಷ ರಾಮು, ರವಿಶಂಕರ್, ನಿವೃತ್ತ ಏಎಸ್ಐ ರಮಾಲಿ ಇದ್ದರು.
