ಮುದಗಲ್: ರಸ್ತೆಯಲ್ಲಿ ಮಲೀನ ನೀರು, ಸಾರ್ವಜನಿಕರು,ವಾಹನ ಸಂಚಾರಕ್ಕೆ ತೊಂದರೆ ಆಕ್ರೋಶ.
*ಸ್ಥಳ ಪರಿಶೀಲನೆಗಾಗಿ ಅಧಿಕಾರಿಗಳೊಂದಿಗೆ ಶಾಸಕರು ದೌಡು
ಕಿಷ್ಕಿಂಧವಾಣಿ ಸುದ್ದಿ
ಮುದಗಲ್ ; ಪಟ್ಟಣ ಸಮೀಪದ ನಾಗಲಾಪುರ ಗ್ರಾಮ ಪಂಚಾಯತಿ ವ್ಯಾಪ್ತಿಗೆ ಒಳಪಡುವ ವ್ಯಾಕರನಾಳ ಗ್ರಾಮದಲ್ಲಿ ಚರಂಡಿ ನೀರು ಮುಖ್ಯ ರಸ್ತೆಯಲ್ಲಿ ನಿಂತು ಸಾರ್ವಜನಿಕರ ಓಡಾಟಕ್ಕೆ ತೊಂದರೆಯಾಗಿ, ಗಬ್ಬೆದ್ದು ನಾರುತ್ತಿರುವದಕ್ಕೆ ಅಧಿಕಾರಿಗಳು ಹಾಗೂ ಶಾಸಕರು ನಿರ್ಲಕ್ಷ್ಯ ವಹಿಸಿರುವ ಬಗ್ಗೆ ಗ್ರಾಮಸ್ಥರು ಆಕ್ರೋಶ ವ್ಯಕ್ತ ಪಡಿಸಿದರು.
ಲಿಂಗಸಗೂರು ಶಾಸಕ ಮಾನಪ್ಪ ಡಿ. ವಜ್ಜಲ್ ನಾಗಲಾಪುರ ಗ್ರಾಮಕ್ಕೆ ಶನಿವಾರ ಪ್ರಜಾ ಸೇವಾ ಆಂದೋಲನ ಸಭೆಗೆ ಆಗಮಿಸಿದಾಗ ಸಾರ್ವಜನಿಕರು ಕುಂದು ಕೊರತೆ ಸಭೆಯಲ್ಲಿ ಸಾರ್ವಜನಿಕರು ಶಾಸಕರೊಂದಿಗೆ ತರ್ಕಕ್ಕಿಳಿದಾಗ ಶಾಸಕರು ಕೂಡಲೇ ರಸ್ತೆ ಮೇಲೆ ಮಲಿನತೆ ನೀರಿನ ಸ್ಥಳ ಪರಿಶೀಲನೆ ಮಾಡಬೇಕು. ಕೂಡಲೇ ಪರಿಹಾರ ಒದಗಿಸಬೇಕು ಎಂದು ಪಟ್ಟು ಹಿಡಿದರು. ಶಾಸಕರು ಅಧಿಕಾರಿಗಳೊಂದಿಗೆ ವ್ಯಾಕರನಾಳ ಗ್ರಾಮದಲ್ಲಿ ನಿಂತ ಮಲಿನತೆ ನೀರಿನ ಸ್ಥಳ ವಿಕ್ಷೀಸಿ ಅಧಿಕಾರಿಗಳಿಗೆ ಕೂಡಲೇ ತಗ್ಗು ಪ್ರದೇಶದ ರಸ್ತೆ ಮೇಲೆ ನಿಂತ ನೀರು ಸಾಗಲು ರಸ್ತೆಯನ್ನು ಸಮತಟ್ಟಾಗಿ ಮಾಡಲು ಸೂಚಿಸಿದರು. ಇನ್ನೆರಡು ದಿನದಲ್ಲಿ ತ್ವರಿತವಾಗಿ ರಸ್ತೆ ಕೆಲಸ ಸರಿಪಡಿಸಿ, ದಾರಿ ವಾಹಕರಿಗೆ ತಿರುಗಾಡಲು ಅನವು ಮಾಡಿಕೊಡಲು ಪಿಡಬ್ಲೂಡಿ ಅಧಿಕಾರಿ ಪ್ರಕಾಶ ಹಾಗೂ ಪಿಡಬ್ಲೂಡಿ ಇ.ಇ ಗಜಾನನ್ ಅವರಿಗೆ ತಿಳಿಸಿದರು.
ಈ ವೇಳೆ ಗ್ರಾಮಸ್ಥರು ಸೇರಿದಂತೆ ದಾರಿ ವಾಹನಗಳ ಚಾಲಕರು ಇದ್ದರು.
